[OK na Food Trip] Happi Hen

Intro:

Nasa panulukan ito ng Aguirre Street at yung kanto ng Presentation of the Child Jesus Church sa BF Homes, tapat ng Starbucks sa Phase 3. Kaya minsang tinamad kami lumayo pa para maghanap ng makakainan after ng mass one Sunday, tumawid lang kami para dito na lang magpalipas-gutom.

food photos

Food:

• Asado Pork and Lechon Macau (Combi Meal)
• Hainanese and Lechon Macau (Combi Meal)
• Beancurd Roll
• Pork and Shrimp Siomai
• Taiwan Petchay
• Roti Prata

The combi meals are combinations of two of their menu mainstays served with rice, soup, konting kropek, at iced tea. Matabang yung soup, tulad ng most free soups in similar hole-in-the-walls. Ironically, di namin type yung hainanese chicken nila (and K is a hainanese chicken fan) dahil dry at kulang sa luya ang lasa. Matabang. Supposedly, yun ang specialty.

asado pork and lechon macau

Yung asado pork masarap sana. Manamis namis. Kaso bahagyang lumalaban sa kagat. May pagka-kunat. Yung lechon macau pa ang patok dahil crunchy. Lechon kawali talaga ang dating. Can't go wrong with that.

Bumawi sila sa dimsum. Yung beancurd roll sobrang ganda ng pagka steam. Juicy at malasa yung tofu at lahok nito sa loob. Parang kumakain kami ng dimsum na may karneng sahog kahit dapat wala. Pero baka nga meron naman? Regardless, basta masarap. Patok din sa amin yung pork and shrimp siomai. Malaki yung servings at jampacked yung laman sa loob. Parang puro at walang extenders.

pork and shrimp dimsum + beancurd roll

Hindi ko alam kung ano difference ng Taiwan Petchay sa bok choy pero parang pareho lang ang tingin ko. In any case, nalulugian ako dito kasi sa halagang P65 per plate, parang ilang hibla lang ng petchay ang sinilbi sa amin. Nilagyan lang ng konting timpla ng oyster sauce.

taiwan petchay

Yung roti prata is served with condensed milk at curry sauce. Dalawang malaking roti per serving so sulit. Paborito namin ito ni K from sa mga ibang restaurant na napuntahan namin na meron neto. Happi Hen's tasted the same. Parepareho lang naman ata ang lasa ng roti anyway.

roti prata

Damage:

The combi meals are at P150 a piece and that's as complete a meal you can get. May drinks pa. Additional dimsum costs from P65 to P80. Frankly, I'll just go for a plate of dimsum and extra rice. Sobrang mura lang lalabas nun. Masarap pa.

Nasi goreng as alternative to plain rice looks interesting to try next time, kaso pang maramihan ang serving at P170 per plate.

menu slash placemat

Feedback:

Very unassuming yung lugar. Walang pagpupumilit magka-theme ang interiors. It's plainly a place to have a quick meal and that's it. Kung wala nga yung malaking signboard nila sa harap, parang extension lang sila ng bahay na kadikit nito.

Maliit yung floor area kaya on a busy day pwedeng maging jampacked dito. Dinner nung pumunta kami at after a Sunday mass pa so expected namin madaming kumakain, pero wala naman masyado. Tama lang.

dining area

May menu sa entrance. Dun mas maganda pumili ng kakainin kasi may pictures ng mga pwede ma-order, kesa dun sa papel na menu na dumodobol as placemat. Halos alas-otso pa lang ng gabi pero madami nang wala sa menu, tulad ng gulaman at hakaw. Saklap.

Walang initiative yung mga nagsisilbi kaya kailangang hingiin ang karamihan ng kelangan namin (e.g. yung menu na papel, tubig, sawsawan, kalamansi). Low expectations naman kami so oks lang.

Nag-order kami ng soy chicken at lechon macau combi, pero hainanese chicken ang binigay sa amin. Hindi ko na pinapalitan dahil gutom na ako. Hindi tuloy namin natikman yung soy chicken nila.

hainanese chicken and lechon macau

Etcetera:

This is going to be on our list of go-to places kung gusto namin ng quick gutom fix around BF Homes. Don't expect too much on their service though and stick with the dimsum.

Ratings:

4.5 out of 7

[obi.Sept.7]