[2011 Throwback] Ye Dang Korean BBQ Restaurant

[updated]

The Project 12x2-1 Page

The way you cut your meat reflects the way you live.
- Confucius

Hindi pwedeng matapos ang taon ng wala kaming napupuntahang Korean resto. So with much racking up of her Google-fu, nakita ni K ang raves about Ye Dang in Ortigas and from the looks of it, it's worth the try.

K-pop zone

Pasakalye:

Bago tuluyang maging probinsya ng South Korea ang Pilipinas sa dami ng mga Koreano dito, wise na pag-aralan nang kumain ng mga pagkain nila. Instead na makuntento sa mga rip-off bulgogi at kung ano ano pang kimchi dishes sa tabi tabi, naghanap kami ng authentic at bumagsak kami sa Ye Dang Korean BBQ Restaurant sa Ortigas.

Malapit ito sa Metrowalk. Kung galing Ortigas Avenue, kumanan sa Meralco Avenue. Ye Dang should be a few steps past Metrowalk (nasa ilalim ng flyover ang U-Turn). Medyo problematic ang parking dahil ilang sasakyan lang ang kasya sa harap ng resto. Pwede mag-park sa Metrowalk then lakarin na lang.

dining underneath a bulgogi

Kinaen:

• assorted appetizers
• seafood pajeon
• kimchichigae or kimchi jjigae (kimchi pot stew)
• kalbi or galbi (grilled sweet beef ribs)
• dak-kui or dakgui (grill chicken)

sari-saring side dishes

Libre ang unang serving ng iba't ibang uri ng appetizers. Pag upo pa lang, pag sisilbihan na agad ng mga ito. At sa totoo lang, kanin na lang at pwedeng na ang mga ito gawing ulam! Pwede magpa-refill ng up to two platito of any of the served items.

Appetizers:

• some pickled leafy plant (spinach?)
• sweetened dilis
• spicy fish cake
• radish kimchi
• sweetened potatoes
• lettuce at iba pang salad greens
• kimchijeon (kimchi cake)

L-R: pickled leafy thing and kimchijeon

Yung pickled veggie ay mukang spinach ang ginamit na gulay. Parang steamed na gulay lang ang lasa neto. Still, good enough for my veggie-fix. Masarap yung dilis, manamis-namis yung glaze. Isa ito sa mga pina-refill namin.

L-R: matamis na patatas at manamis-namis na dilis

May fish cake at radish strips na binabad sa kimchi sauce kaya naging spicy ang lasa.

Hindi ako kumain ng sweet potatoes pero maliliit na bilog ng patatas ito na may caramelized sugar na malabnaw. Mukang nagustuhan naman ni Misis at ng kapatid niya.

L-R: spicy radish, fish cake, more kimchi, salad greens

Yung mga salad greens ay ni-reserve namin para i-combo sa mga grilled meat order.

Interesting yung kimchijeon. Nagpa-refill din kami nito. Pancake sya na gawa from kimchi at ansarap in combination nung accompanying spicy na sawsawan or your own DIY toyo concoction.

* * * * *

Balik sa mga bidang ulam.

pancake ng Korea

Isang tradisyonal na Korean dish ang seafood pajeon. Pancake ito na malasa dahil sa generous amount ng spring onions at may sahog na iba't ibang seafoods. Eto ang pinaka sulit na kinain namin nung araw na yun. Sobrang dami ng sahog at ang lasa ng itlog na ginamit sa torta.

sinabawang kimchi

Yung kimchi jigae ay sinabawang kimchi na nilagyan ng pepper paste kaya kulay pula at maanghang. May small slabs ito ng malambot na tofu. Hindi ako fan ng tofu kaya hindi ko trip ito gaano. Pero okay sya magpa-init ng tiyan. Matabang ang lasa para sa amin. Panay anghang lang.

inihaw na beef ribs

Ang kalbi naman ay marinated beef ribs served raw then coal-grilled sa lamesa mismo. Bawat lamesa ay may dedicated ihawan at retractable exhaust vent galing kisame. Kaya kahit gadami ng nag-iihaw, hindi kami nangamoy usok at hindi amoy usok ang paligid. Sa totoo lang, lasang tipikal na inihaw na beef ribs lang yung kalbi. Nagta-transform lang ito ng lasa kapag binalot sa lettuce at iba pang appetizers na nauna nang inihain (pwede ding samahan ng kanin) sabay isasawsaw sa toyo. Mmm... mmmm! Turo ito sa amin nung waiter. Ang personal mix na peborit ko ay kalbi beef + lettuce + radish/fish cake + konting kanin + dip in toyo.

inihaw na manok

Dakgui should be similar to kalbi except it's grilled chicken. Marinated din ito but mas ramdam namin yung lasa ng marinade dito than the beef ribs. Matamis tamis.

May bayad yung hot tea. Hindi libre compared to most Oriental restos. Same lang din naman ng lasa. Lasang dahon ng tsaa.

dahon + manok + kimchi

Chechebureche:

si Jang Geum!

Pag-pasok pa lang sinalubong na kami ng mga ngiti. Attentive yung mga waiters at yung na-assign sa table namin ay malugod na sinagot yung mga tanong namin regarding the menu. There are ample pictures and English translations sa menu para maka-order ng hindi nalilito. For the heck of it, we still hounded the good waiter with questions. Nasagot nya naman lahat to satisfy us plus more... ang dami nyang kwento regarding sa mga common na ino-order sa kanila at sa mga ingredients nung bawat ulam na balak namin upakan. Good service!

exhaust vents

Maganda ang interiors nung lugar. Ramdam ang Korean ambiance. Everything is with wooden accents. As we said earlier, may sariling grill at exhaust vent ang bawat lamesa. Uling talaga ang gamit nila na pang-ihaw kaya smokey talaga ang lasa nung mga lulutuin dito. Hindi kelangang magpaka-bayani, yung waiter ang mag-iihaw ng mga bagay bagay para sa mga kustomers.

menu

Nakakatakot yung kubeta. Malamya ang ilaw at eerie ang design. Parang pwedeng gamiting scene sa next Sadako movie.

Kaching:

Walang service charge! Wow. Above all the great service, it's for free!

Price range is at P230 to P350.

Mahal ito pero magiging makatarungan kung madami kayong kakain. Besides, ang isang order ay pwede nang pagsaluhan ng hanggang tatlong katao. So if you think about it, a dish can be as low as around P80 each. So the more the barkada, the cheaper.

food everywhere

Sa dami (at sarap) ng libreng appetizer at wala pang service charge at sa ganda ng ambiance, sulid na din ang magagastos.

Update: Fast forward to 2015, P300 to P400 na ang price range ng kain dito. It's still one of the more competitively priced Korean resto (and they popped like mushrooms everywhere) that we've tried at sobrang gustong gusto na namin makabalik ulit dito.

Hatol:

Definitely a must-recommend place for those looking for alternative courses aside from the typical city resto options. O kaya naman dun sa mahilig sumubok ng mga foreign delicacies. Lalong matutuwa dito yung mga kume-Korean pop shit.

Super recommended namin yung pajeong.

Rating:
6 out of 7

anyong!

Back to the Project 12x2-1 Page