The Project 12x2-1 Page

[updated]

The Project 12x2-1 Page

When helicopters were snatching people from the grounds of the American embassy compound during the panic of the final Vietcong push into Saigon, I was sitting in front of the television set shouting, 'Get the chefs! Get the chefs!'
- Calvin Trillin

Pasakalye:

We've been frequenting Ba Noi's since last year (2010) at hindi kami nag-sasawa sa paulit-ulit naming kinakain dito dahil masarap!

O + K at Ba Noi's

Last week, dahil may coupon kami na libreng isang dish at malapit na itong mag expire, sumugod ulit kami sa Ba Noi's for the Nth time. It did not disappoint as usual. Kelangan namin habulin yung kundisyones nung libreng ulam na dapat minimum P500 food purchase so madami dami ang in-order namin this time. Worthy as a filler for our Project 12x2-1!

libreng pritong hito

Vietnamese food ang handa ng Ba Noi's. Maraming eksperto around the foodie blogs ang nagsasabing authentic Vietnamese ang inihahain ng Ba Noi's so it must be true. In any case, wala kaming pake. Basta masarap ang pagkain nila, solb kami.

They are located in the middle of Perea Street in Makati. Kung nasa Paseo de Roxas/Enterprise heading to Greenbelt, basahin lang yung mga street signs sa kaliwang side makalampas ng Dela Rosa. Isa dun ay Perea. Kung nasa Dela Rosa naman coming from PLDT/Greenbelt 4, basahin muli sa kaliwang side ang mga street signs. Isa dun ay Perea na may Mom and Tina's sa kanto.

Update: Lumipat na ng lugar ang Ba Noi's. Nasa tabi na sila ng Mom and Tina's, pero Perea pa din yun.

flavors of Ho Chi Minh

Marami na kaming kaibigan na ni-refer kumain dito. So far, lahat ng nauto namin ay may good feedback about the experience. Ayus!

Ang Nilantakan:

• Shrimp and Pomelo Salad
• Fried Spring Rolls
• Beef Noodle Soup
• Deep Fried Catfish with Salad Greens
• Sauteed Bokchoy

Iba pang na-chicha na namin dati dito:

• Fresh Spring Rolls
• Seafood Noodle Soup

tamang pagkain ng kropek

Ang shrimp and pomelo salad, bow. Hindi ako mahilig sa prutas pero pumatok sa akin ito. Isang plato ng ginayat na pomelo na may toppings na hipon at pork bits ata yun. Sinasabay sa kropek at lettuce at may sauce on the side. Yung sauce ay kakaiba, parang sukang matamis na may timplang sili bits. Ayon sa instructions sa lamesa, ang paraan ng pagkain sa kanya ay ipapatong ang lettuce, hipon, at pomelo sa ibabaw ng kropek. Tapos tuluan ng konting sauce bago kainin. Gawin ito gamit ang kamay para mas maganang kumain.

Fried Spring Rolls naman yung piniritong version ng Fresh Spring Rolls. Pareho lang ang laman nila. Strands ng vermicelli tapos gulay at hipon. Hindi ko na alam kung may kung anong magik ingredients pang iba. Manamis-namis na peanut sauce ang sawsawan nito, na patok sa amin ang lasa kahit merong mani. Pero mas trip pa din namin ni K yung fresh.

beef noodle soup

Noodle soup or "pho" is one of the signature dishes of the country and a must try in any Vietnamese resto. Ang hirap magkumpara ng lasa ng soup ng Ba Noi's with any other local resto of the same genre kung hindi namin sila kinakain side by side. Pero let me start by saying na naaapakalasa ng sabaw ng Ba Noi's. May panimpla silang brown na sauce (bean paste) at chilli sauce. Usually, mga tatlong lagay nung bean paste at isang lagay ng chilli sauce ang ginagawa ko. Sine-serve ito ng may kasamang ginayat na sili, mongo sprouts, dahon ng basil, at gayat ng dayap. A piece of advice: kung hindi naman katakawan kumain, sabihin sa waiter na "for sharing" yung soup para hatiin nila sa dalawa. Tipid ito at tiyak na sakto lang.

Piniritong hito na may halaman. So so lang ito para sa amin. Tipikal lang ang lasa. I mean, ano pa bang dapat i-expect na kakaiba sa piniritong isda.

sabaw neto ang malupet

Yung sauteed bokchoy ay bokchoy (baby ng petchay) na nilunod sa matamis tamis na timpla ng toyo. Gusto namin yung sabaw! Ansarap ng timpla. Malutong yung bokchoy. Angkop na partner nung piniritong isda. Panalo ito sa mga nagkukunwaring nagdidyeta.

Mga kung Ano pang Satsat:

Maganda at relaks sana yung disenyo ng lugar. Ang kaso mo kapag may mga kustomer na maingay, tapos ang kapayapaan ng pagkain mo. May parang mali kasi sa acoustics nung lugar na kapag nagsalita ng medyo mas pabibo ng konti than the conversational tone, nag re-reverberate na sa paligid yung tunog. In any case, pag patay na oras naman walang masyadong kumakain dito so ingay-free. Kapag dinner at lunch (lalo na kung pay-day), wag nang asahan pang may kapayapaan. Makinig ka na lang ng tsismis sa katabing maingay na lamesa.

noisy!

Tanga-friendly yung menu dahil madaming ritrato. May instructional din sa lamesa on how some of the more popular orders should be eaten. Hindi na kelangan mangopya sa ginagawa ng ibang kustomer sa kabilang lamesa.

Very accomodating ang mga serbidor at palaging nakangiti. Good vibes.

Kaching:

Mahal siya at P270 to P310 price tag per dish. Pero para sa amin ni K sulit naman ang binayad. Sharing for two ang nakararami sa mga ulam nila kaya most of the time may "Miss, pakibalot po" pa kami pauwi.

Ang Hatol:

Enjoy kami ni Misis K kumain dito. Kaya bumabalik balik kami from time to time pag may perang pwedeng sunugin. Huwag palampasing hindi mag pho kung andito na lang din naman. Must try.

parang nasa Vietnam na din

Isa siya sa mga lugar na nakatago pero dadayuhin para sa masarap na pagkain.

Rating:
5.5 out of 7


Back to the Project 12x2-1 Page